مدھیہ پردیش میں کف سیرپ سے مزید دو اور بچوں کی موت، ہلاک شدگان کی تعداد 22 تک پہنچی

مدھیہ پردیش کے چھندواڑہ میں کف سیرپ کولڈرف کے باعث بچوں کی ہلاکت کا سلسلہ رکنے کا نام نہیں لے رہا۔ کڈنی کے انفیکشن اور اس کے فیل ہونے کی وجہ سے 2 اور معصوم بچوں کی موت ہو گئی، جس سے ریاست میں مرنے والے بچوں کی تعداد بڑھ کر 22 ہو گئی ہے۔ یہ اطلاع ایڈیشنل کلکٹر دھیرندر سنگھ نے جمعرات کو دی۔

مرنے والے بچوں میں 5 سالہ وشال اور 4 سالہ مینک سوریہ ونشی شامل ہیں، جن کا علاج ناگپور، مہاراشٹر کے اسپتال میں چل رہا تھا۔ دونوں بچے چھندواڑہ کے پراسیا قصبے کے رہائشی تھے۔ ضلع انتظامیہ نے بتایا کہ مرنے والے بچوں کی مجموعی تعداد اب 22 تک پہنچ گئی ہے۔