طیارہ حادثے میں اجیت پوار کی موت سے اہل خانہ پر ٹوٹ پڑا غم کا پہاڑ، شرد پوار، سپریا سولے سمیت سوگوار خاندان بارامتی روانہ

بارامتی میں کریش لینڈنگ کے وقت موقع پر موجود ایک چشم دید نے بتایا کہ ’’میں نے یہ اپنی آنکھوں سے دیکھا، یہ واقعی بہت خوفناک ہے، جب طیارہ نیچے آرہا تھا تو ایسا لگا کہ یہ کریش ہو جائے گا اورایسا ہی ہوا۔ پھراس میں بہت بھیانک دھماکہ ہوا۔ اس کے بعد ہم یہاں دوڑ کر پہنچے اوردیکھا کہ طیارے میں آگ لگی ہوئی تھی۔ اسی وقت طیارے میں مزید 4-5 دھماکے ہوئے۔ جب تک کافی لوگ پہنچ چکے تھے۔ انہوں نے طیارے میں موجود لوگوں کو نکالنے کی کوشش کی لیکن آگ کافی زیادہ تھی، اس لئے ہم لوگ بے بس تھے۔ اجیت پوار طیارے میں موجود تھے اور یہ ہمارے لئے بہت دردناک ہے۔ میں اسے الفاظ میں بیان نہیں کرسکتا۔‘‘