طارق رحمٰن آج بنگلہ دیش کے وزیر اعظم کی حیثیت سے لیں گے حلف، دہائیوں پرانی روایت ٹوٹے گی

حلف برداری کی تقریب میں تقریباً 1200 ملکی اور غیر ملکی مہمانوں کو مدعو کیا گیا ہے۔ ہندوستان کی نمائندگی لوک سبھا کے اسپیکر اوم برلا کریں گے، جب کہ مالدیپ، ترکیے اور سری لنکا کے اعلیٰ نمائندے بھی شریک ہوں گے۔ مبصرین کے مطابق یہ تقریب نہ صرف اقتدار کی منتقلی بلکہ بنگلہ دیش کی آئندہ سیاسی سمت کا تعین کرنے میں بھی اہم کردار ادا کرے گی، جہاں نئی قیادت کو فوری اور مؤثر فیصلوں کے ذریعے عوامی توقعات پر پورا اترنا ہوگا۔