بی جے پی اور آر ایس ایس قبائلیوں کو ’جل، جنگل اور زمین‘ کے حقوق سے محروم کرنا چاہتی ہیں: راہل گاندھی

لوک سبھا میں قائد حزب اختلاف راہل گاندھی نے بی جے پی اور آر ایس ایس پر قبائلی مخالف ذہنیت رکھنے کا الزام عائد کرتے ہوئے کہا ہے کہ یہ دونوں تنظیمیں قبائلی برادری کو ان کے جل، جنگل اور زمین کے حقوق سے محروم کرنا چاہتی ہیں۔ انہوں نے کہا کہ کانگریس قبائلیوں کے حقوق کے تحفظ کے لیے ہر ممکن قدم اٹھانے اور ہر سطح پر جدوجہد کرنے کے لیے تیار ہے۔

راہل گاندھی نے یہ بیان بدھ کے روز کانگریس کے قبائلی شعبے کی جانب سے نئی دہلی میں واقع اندرا بھون میں منعقدہ ایک پروگرام میں شرکت کے بعد سوشل میڈیا پر جاری اپنے پیغام میں دیا۔ وہ ’آدیواسی پروفیشنلز کانکلیو 2026‘ سے خطاب کر رہے تھے، جہاں قبائلی برادری سے متعلق مختلف مسائل اور ان کے حقوق پر گفتگو کی گئی۔