ای سی اب بھی ’الیکشن کمیشن‘ ہے یا بی جے پی کی ‘الیکشن چوری’ شاخ بن چکا ہے؟ راہل گاندھی کا سوال

راہل گاندھی اس سے پہلے بھی بہار میں ووٹروں کی فہرست سے بڑی تعداد میں نام ہٹانے کا الزام لگا چکے ہیں۔ انہوں نے بدھ کو آسام کی ایک ریلی میں دعویٰ کیا تھا کہ ’’مہاراشٹر کا الیکشن بی جے پی اور الیکشن کمیشن نے چوری کیا، اور اب وہی ماڈل بہار میں آزمایا جا رہا ہے۔‘‘

ادھر بہار اسمبلی میں اپوزیشن لیڈر تیجسوی یادو نے بھی ’ایس آئی آر‘ کے عمل کو تنقید کا نشانہ بناتے ہوئے کہا کہ یہ بہار کے عوام کی سیاسی بیداری پر حملہ ہے۔ ان کا کہنا تھا کہ ’’بی جے پی اور نتیش حکومت ووٹر لسٹ کی نظرثانی کے نام پر غریبوں سے ان کا ووٹ چھین رہی ہے اور ان کی آواز دبائی جا رہی ہے۔‘‘