ایلون مسک دنیا کے پہلے شخص، جن کی دولت 500 ارب ڈالر تک پہنچ گئی

ٹیسلا کے چیف ایگزیکٹیو آفیسر (سی ای او) ایلون مسک دنیا کے پہلے شخص بن گئے ہیں جن کی مجموعی دولت تقریباً 500 ارب ڈالر تک پہنچ گئی ہے۔ یہ تاریخی سنگ میل مسک کی ملکیتی کمپنیوں اور ٹیسلا کے حصص میں ریکارڈ اضافے کی بدولت ممکن ہوا۔ فوربز میگزین کے ارب پتیوں کے انڈیکس کے مطابق، مسک کی مجموعی دولت 499.5 ارب ڈالر تک پہنچ چکی ہے۔

خیال رہے کہ ٹیسلا کے حصص اس سال اب تک 14 فیصد سے زائد بڑھ چکے ہیں اور ایک روز قبل حصص میں تقریباً 4 فیصد کا اضافہ ہوا، جس سے مسک کی خالص دولت میں 7 ارب ڈالر سے زیادہ کا اضافہ ہوا۔