ایس ایس سی امتحان پاس کرانے کے نام پر وصولی کرنے والے گروہ پر ایس ٹی ایف کا شکنجہ، 7 ملزمین گرفتار

تحقیقات میں یہ بھی انکشاف ہوا ہے کہ کلیدی ملزم پردیپ چوہان اور اس کے ساتھیوں نے امتحانی مرکز کے نظام میں پراکسی سرور لگا کر کمپنی کے سرورز کو بائی پاس کیا تھا۔ اس کے ذریعے باہر بیٹھے لوگ اسکرین شیئرنگ ایپلی کیشن کی مدد سے سوالیہ پرچے حل کرتے تھے۔ وہیں اس معاملے میں نالج پارک پولس اسٹیشن میں مختلف دفعات کے تحت مقدمہ درج کرلیا گیا ہے اور مزید قانونی کارروائی کی جارہی ہے۔ اس کے ساتھ ہی اب یہ بھی چھان بین کی جارہی ہے کہ کیا اس گینگ میں کچھ اور لوگ ہیں یا نہیں اور انہوں نے کن کن امتحانات میں نقب زنی کی ہے۔ وہیں امیدواروں کے خلاف بھی کارروائی کی جا سکتی ہے جنہوں نے اس غیر قانونی طریقے سے امتحان پاس کرنے کی کوشش کی ہے۔