امریکہ ایران معاہدے کو حتمی شکل دینے کے بہت قریب: ٹرمپ کا بڑا بیان

امریکی صدر ڈونالڈ ٹرمپ نے کہا ہے کہ ایران کے ساتھ جاری مذاکرات توقع سے زیادہ طویل ہو رہے ہیں۔ متعدد مرتبہ کی طرح اس مرتبہ بھی انہوں نے اشارہ دیا کہ اگر سفارتی کوششیں ناکام ہوئیں تو امریکہ سخت آپشنز پر غور کر سکتا ہے۔ وائٹ ہاؤس میں صحافیوں سے بات کرتے ہوئے ٹرمپ نے کہا کہ وہ خطے میں مکمل جنگ کے مقابلے محدود کشیدگی یا تشدد کو ترجیح دیتے ہیں۔ تاہم ٹرمپ نے یہ بھی کہا کہ ایران اور امریکہ کے درمیان مذاکرات آخری مراحل میں ہیں۔

العربیہ نے کل یعنی بدھ کے روز ذرائع کے حوالے سے اطلاع دی ہے کہ امریکہ اور ایران کے درمیان معاہدے کے مسودے کو حتمی شکل دینے کی کوششیں جاری ہیں اور اس کی تکمیل کا اعلان آئندہ چند گھنٹوں میں کیا جا سکتا ہے۔

ٹرمپ نے دعویٰ کیا کہ ایران میں خراب معاشی اور سماجی حالات کی وجہ سے عوام میں غصہ بڑھ رہا ہےویسے وہاں سے آنے والی خبریں اس کے بالکل برعکس بتائی رہی ہیں۔ ٹرمپ کا کہنا تھا کہ “ایران میں اس وقت بہت غصہ ہے کیونکہ لوگ انتہائی خراب حالات میں رہ رہے ہیں۔ وہاں بے اطمینانی بڑھ رہی ہے، جیسا کہ ہم نے پہلے کبھی نہیں دیکھا ہے۔”

جب ان سے پوچھا گیا کہ کیا بات چیت میں توقع سے زیادہ وقت لگ رہا ہے، ٹرمپ نے اس کا موازنہ طویل مدتی امریکی فوجی تعیناتیوں سے کیا۔ اس نے کہا، “آپ 10 سال تک افغانستان میں تھے، آپ کافی عرصے تک عراق میں تھے۔ آپ سات سال تک کوریا میں تعینات رہے۔” ٹرمپ نے یہ بھی کہا کہ حالیہ امریکی فوجی کارروائیوں کے نتیجے میں پچھلی جنگوں کے مقابلے میں کم امریکی فوجیوں کی ہلاکتیں ہوئی ہیں۔

انہوں نے کہا، “دوسری جنگوں میں لاکھوں لوگ مارے گئے۔ ہم نے یہاں 13 لوگوں کو کھو یا ہے، تاہم، 13 اموات بھی بہت زیادہ ہیں۔” امریکی صدر نے دعویٰ کیا کہ امریکہ نے طویل فوجی قبضے کے بغیر بڑی اسٹریٹجک کامیابیاں حاصل کی ہیں۔ انہوں نے کہا کہ ہم نے بنیادی طور پر ایران کا کنٹرول سنبھال لیا۔ انہوں نے اس دعوے کی مزید وضاحت نہیں کی۔