آبنائے ہرمز سے گزرتے ہوئے بہ حفاظت ہندوستان کی طرف بڑھا ’گرین سانوی‘، جہاز میں موجود ہے 47 ہزار ٹن ایل پی جی

بہرحال، ’گرین سانوی‘ ایک وسیع گیس بردار جہاز (وی ایل جی سی) ہے، جو 6 اپریل کو ہندوستان پہنچ سکتا ہے۔ جاپان کی عالمی شپنگ کمپنی مِتسوئی او ایس کے لائنز کی ہندوستانی شاخ ایم او ایل انڈیا کا یہ جہاز تقریباً 50,000 ٹن گیس کی گنجائش رکھتا ہے اور اس مرتبہ تقریباً 47,000 ٹن ایل پی جی لے کر محفوظ طریقے سے ہندوستان پہنچ رہا ہے۔ اس سے قبل شیوالک، نندا دیوی اور پائن گیس سمیت 6 دیگر جہاز بھی اسی خطرناک راستے سے ایندھن لے کر ہندوستان آ چکے ہیں۔ حالانکہ بحران مکمل طور پر ختم نہیں ہوا ہے۔ ذرائع کے مطابق ایل پی جی ٹینکر ’گرین آشا‘ اور ’جگ وکرم‘ سمیت تقریباً 17 ہندوستانی جہاز اب بھی آبنائے ہرمز کے قریب سمندر میں پھنسے ہوئے ہیں، جن کی جلد بحفاظت واپسی کی امید ظاہر کی جا رہی ہے۔