بہار میں دلت حاشیے پر اور تبدیلی کے لیے بے چین، دلت تنظیم کی رپورٹ میں انکشاف، نتیش کے لیے خطرے کی گھنٹی

اشوک بھارتی نے پریس کانفرنس کے دوران کہا، ’’چاہے تعلیم ہو، صحت ہو یا روزگار، بہار میں دلت پوری طرح پسماندہ ہیں۔ وہ موجودہ حالات سے تنگ آ چکے ہیں اور اب جمود کے خلاف ہیں۔‘‘ انہوں نے کہا کہ ایسا محسوس ہوتا ہے کہ دلت ووٹ بینک وزیر اعلیٰ نتیش کمار سے دور جا رہا ہے۔

انہوں نے وزیراعظم نریندر مودی اور نتیش کمار دونوں سے اپیل کی کہ وہ ’’دعا کریں کہ حالیہ واقعات سے ان کے ووٹ متاثر نہ ہوں۔‘‘ چیف جسٹس بی آر گوئی پر ایک وکیل کی جانب سے جوتا پھینکنے کے واقعہ کا ذکر کرتے ہوئے اشوک بھارتی نے کہا کہ ’’یہ حملہ دراصل نظام پر تھا، کیونکہ چیف جسٹس اس نظام کی نمائندگی کرتے ہیں۔ نظام مفلوج ہو چکا ہے، جو خود کو بھی نہیں بچا سکتا۔‘‘