عمر خالد، شرجیل امام اور دیگر کی درخواست ضمانت پر سماعت ملتوی، نئی تاریخ 22 ستمبر

نئی دہلی: سپریم کورٹ نے آج جمعہ کو 2020 دہلی فسادات کی مبینہ سازش کے معاملہ میں عمر خالد، شرجیل امام، میران حیدر، گلفشاں فاطمہ اور شفا الرحمٰن سمیت دیگر ملزمان کی ضمانت کی درخواستوں پر سماعت 22 ستمبر تک ملتوی کر دی۔

یہ مقدمہ جسٹس اروند کمار اور جسٹس منموہن کی بنچ کے سامنے درج ہے۔ یہ سماعت پہلے 12 ستمبر کو ہونی تھی لیکن عدالت نے کہا تھا کہ سپلیمنٹری لسٹ کی فائلیں انہیں صرف رات 2:30 بجے موصول ہوئیں، جس کی وجہ سے مقدمہ پڑھنے اور سماعت کرنے کے لیے مناسب وقت دستیاب نہیں تھا۔