کِنّور میں بادل پھٹنے سے تباہی، گھر، باغات اور گاڑیاں زیر آب

وزیر اعلیٰ سکھوِندر سنگھ سکھو نے ہماچل پردیش کو آفت زدہ ریاست قرار دے دیا اور گزشتہ تین سالوں میں ہونے والے نقصان کا اندازہ 20,000 کروڑ روپے سے زیادہ لگایا۔ انہوں نے مرکزی حکومت سے فوری مالی امداد اور وسیع پیمانے پر ریلیف سپورٹ کی اپیل کی ہے۔

واضح رہے کہ 16 ستمبر کو بھی منڈی ضلع کے دھرم پور علاقے میں بادل پھٹنے کے باعث شدید سیلاب آیا تھا۔ کئی ایچ آر ٹی سی بسیں اور نجی گاڑیاں بہہ گئیں، جبکہ مکانات اور دکانیں پانی میں ڈوب گئیں۔ مقامی لوگوں کے مطابق یہ سیلاب 2015 کی تباہ کن سیلاب سے بھی شدید تھا، کیونکہ سون نالا اپھان پر آ گیا اور وسیع علاقے کو زیرِ آب کر دیا۔