کشمیر میں جہلم کی موجیں تھمنے لگیں؛ بیشتر مقامات پر پانی کی سطح خطرے کے نشان سے نیچے، اسکول 8 ستمبر تک بند

دوسری جانب، لگاتار بارشوں اور تیز ہواؤں کے باعث وادی کشمیر میں کئی اسکولی عمارتوں کو نقصان پہنچا ہے۔ اس پس منظر میں حکام نے احتیاطی اقدام کے طور پر وادی کے تمام سرکاری و غیر سرکاری اسکولوں کو 8 ستمبر تک بند رکھنے کا اعلان کیا ہے۔

ماہرین کے مطابق، حالیہ بارشوں نے دریائے جہلم اور دیگر آبی ذخائر میں پانی کی سطح کو خطرناک حد تک بڑھا دیا تھا، جس سے کئی دیہات متاثر ہوئے۔ اگرچہ فی الوقت صورتحال قابو میں ہے لیکن انتظامیہ ہائی الرٹ پر ہے اور مقامی آبادی سے اپیل کی جا رہی ہے کہ وہ حفاظتی ہدایات پر عمل کریں۔

ادھر محکمہ موسمیات نے آنے والے دنوں کے لیے موسم میں مزید بہتری کی پیش گوئی کی ہے جس سے سیلابی صورتحال میں مزید کمی آنے کی توقع ظاہر کی جا رہی ہے۔