دہلی-این سی آر میں 6 ستمبر تک بارش کا امکان، پنجاب آفت زدہ قرار، یوپی کو وقتی راحت

اتر پردیش میں جہاں بارش اب تک آفت بنی ہوئی تھی، وہاں اب کچھ راحت ملنے کے آثار ہیں۔ محکمہ موسمیات کے مطابق مانسون کی رفتار کچھ کمزور پڑی ہے۔ آج جمعرات 4 ستمبر سے مشرقی اتر پردیش میں موسم صاف رہنے کا امکان ہے، جبکہ مغربی حصے کے کچھ اضلاع میں ہلکی بارش اور بادلوں کی آمدورفت جاری رہ سکتی ہے۔

محکمہ موسمیات کے مطابق، 4 ستمبر سے اگلے 24 گھنٹوں میں ریاست کے مختلف اضلاع میں زیادہ سے زیادہ درجہ حرارت میں 2 ڈگری سیلسیس تک کا اضافہ ہو سکتا ہے۔ اس کے بعد کسی بڑے اتار چڑھاؤ کا امکان نہیں ہے۔ کم سے کم درجہ حرارت آئندہ پانچ دنوں تک تقریباً یکساں رہنے کی پیش گوئی کی گئی ہے۔