پوتن-زیلنسکی کو ساتھ لانا ’تیل اور سرکہ‘ ملانے جیسا، جلد جنگ بندی نہیں ہوئی تو سخت قدم اٹھاؤں گا: ٹرمپ

امریکی صدر نے کہا، ’’میں چاہتا ہوں کہ دونوں رہنما ملاقات کریں اور اس جنگ کو ختم کریں۔ یہ بہت ہی بے وقوفی بھرا ہے کہ ہر ہفتے سات ہزار لوگ مر رہے ہیں۔ میں نے پہلے سات جنگیں روکی ہیں لیکن یہ سب سے مشکل ثابت ہو رہا ہے۔‘‘

ٹرمپ نے دونوں فریقوں پر امن معاہدہ کے لیے ایماندار نہیں ہونے کا الزام لگایا۔ انہوں نے انتباہ کیا کہ اگر روس جنگ کو ختم کرنے میں رکاوٹ پیدا کرے گا تو وہ روسی تیل پر 25 سے 50 فیصد کا بھاری ٹیرف لگا سکتے ہیں۔