’سی ایس ڈی ایس‘ کے سنجے کمار پر ایف آئی آر، مہاراشٹر انتخابات کے اعداد والی پوسٹ پر کارروائی

پولیس کے مطابق مقدمہ تعزیری ضابطہ (بی این ایس) کی متعدد دفعات کے تحت قائم کیا گیا ہے جن میں دفعہ 175، 353(1)(بی)، 212 اور 340(1)(2) شامل ہیں۔ ان دفعات کا تعلق جھوٹی یا گمراہ کن اطلاع پھیلانے، سرکاری عمل میں رکاوٹ ڈالنے اور انتخابی قوانین کی ممکنہ خلاف ورزی سے ہے۔ پولیس حکام کا کہنا ہے کہ معاملہ حساس نوعیت کا ہے کیونکہ انتخابی عمل میں شفافیت اور اعتبار پر سوال اٹھنے لگے ہیں۔

اصل تنازعہ اس وقت شروع ہوا جب سنجے کمار نے اپنی ایک پوسٹ میں کہا کہ مہاراشٹر کی اسمبلی حلقہ 59 رامٹیک میں 2024 کے لوک سبھا انتخابات کے دوران رجسٹرڈ ووٹروں کی تعداد 4,66,203 تھی لیکن اسی سال اسمبلی انتخابات کے وقت یہ تعداد گھٹ کر صرف 2,86,931 رہ گئی۔ اس طرح تقریباً 1,79,000 ووٹر کم ہو گئے۔