گاندھی کے ساتھ ساورکر کی تصویر پر کانگریس برہم، ’مجاہدینِ آزادی میں بھی ملاوٹ، ملک سستا تیل مانگ رہا ہے سستی کامیڈی نہیں‘

وزارت کی جانب سے پوسٹ میں لکھا گیا تھا، ’’جب ہم اپنے وطن کی آزادی کا جشن منا رہے ہیں، تو یاد رکھیں، آزادی تب ہی پروان چڑھتی ہے جب ہم اسے ہر روز اتحاد، ہمدردی اور عمل سے سیراب کرتے ہیں۔‘‘

یہ پوسٹ منظرِ عام پر آتے ہی کانگریس رہنماؤں نے فوری طور پر تنقید شروع کر دی۔ کانگریس کے ترجمان پون کھیڑا نے ایکس پر طنزیہ انداز میں لکھا، ’’پٹرول میں ایتھنال کی ملاوٹ کرتے کرتے اب آپ مجاہدین آزادی میں بھی ملاوٹ کرنے لگے! جو تاریخ میں بڑے نہیں بن سکے، انہیں پوسٹر میں بڑا بنا رہے ہو۔ ملک آپ سے سستا تیل مانگ رہا ہے، سستی کامیڈی نہیں۔‘‘