دہلی این سی آر میں آوارہ کتوں کے معاملے پر سپریم کورٹ کی نئی خصوصی بنچ آج کرے گی سماعت

اس نئی خصوصی بنچ میں جسٹس وکرم ناتھ، جسٹس سندیپ مہتا اور جسٹس این وی انجاریا شامل ہیں۔ یہ بنچ آج سے اس کیس کی سماعت شروع کرے گی۔ اس سے قبل جسٹس جے بی پاردیوالا کی سربراہی میں ایک بنچ نے آوارہ کتوں کے معاملے پر از خود نوٹس لیتے ہوئے حکم دیا تھا کہ دہلی اور این سی آر کے تمام علاقوں سے کتوں کو پکڑ کر شیلٹر ہومز میں منتقل کیا جائے تاکہ عوام کو راحت مل سکے۔

پرانے فیصلے میں یہ بھی کہا گیا تھا کہ نوئیڈا، فرید آباد، گڑگاؤں سمیت این سی آر کے ہر علاقے میں بلدیہ اور متعلقہ ادارے فوری کارروائی کریں۔ تاہم، اس فیصلے کے بعد ڈاگ لوورز کی جانب سے احتجاج بھی سامنے آیا اور انہوں نے پُرامن کینڈل مارچ نکالا، جس میں انہوں نے کتوں کو شیلٹر ہوم بھیجنے کے فیصلے پر تحفظات کا اظہار کیا۔