’ووٹ چوری 2024 سب سے بڑا انتخابی فراڈ، آئین اور جمہوریت سے غداری‘

راہل گاندھی نے ویڈیو کے آغاز میں ہی کہا، ’’ووٹ چوری صرف ایک انتخابی گھوٹالہ نہیں، یہ آئین اور جمہوریت کے ساتھ کیا گیا بڑا دھوکہ ہے۔ ملک کے گناہگار سن لیں، وقت بدلے گا اور سزا ضرور ملے گی۔‘‘

انہوں نے اس بات پر زور دیا کہ جمہوریت کی بنیاد ’ایک فرد، ایک ووٹ‘ کے اصول پر ہے لیکن موجودہ حالات میں اس اصول کو منظم انداز میں مجروح کیا جا رہا ہے۔ ان کے مطابق ووٹر لسٹوں میں فرضی نام شامل کیے جا رہے ہیں، اصل ووٹرز کے نام کاٹے جا رہے ہیں اور یہ سب ایک منظم منصوبہ بندی کے تحت ہو رہا ہے تاکہ بی جے پی کو انتخابی فائدہ پہنچایا جا سکے۔