نئی دہلی: لوک سبھا میں بدھ کے روز ایک بار پھر اپوزیشن جماعتوں نے بہار میں جاری خصوصی گہری نظرثانی یعنی ایس آئی آر کے معاملے پر شدید ہنگامہ کیا، جس کے باعث ایوان کی کارروائی دو مرتبہ ملتوی کرنے کے بعد بالآخر دوپہر 2 بج کر 25 منٹ پر پورے دن کے لیے ملتوی کر دی گئی۔
کئی روز سے کانگریس اور اس کے اتحادی جماعتیں مانسون اجلاس کے دوران ایس آئی آر پر بحث کا مطالبہ کر رہے ہیں، مگر حکومت کا کہنا ہے کہ یہ معاملہ سپریم کورٹ میں زیر سماعت ہے، اس لیے ایوان میں اس پر بحث کی اجازت نہیں دی جا سکتی۔