نیشنل ایوارڈ ملنے پر شاہ رخ خان کا ردعمل، ویڈیو جاری کر کے حکومت ہند کا شکریہ ادا کیا

شاہ رخ خان کا شمار ہندوستان کے سب سے کامیاب اداکاروں میں ہوتا ہے۔ وہ تقریباً 35 برسوں سے فلمی دنیا میں سرگرم ہیں۔ انہوں نے اپنے کریئر کی شروعات تھیٹر سے کی، پھر ٹیلی ویژن پر آئے، جہاں ’فوجی‘ اور ’سرکَس‘ جیسے شوز سے مقبولیت حاصل کی۔ بعد ازاں انہوں نے فلمی دنیا کا رُخ کیا اور ’دیوانہ‘ جیسی فلم سے اپنا فلمی سفر شروع کیا۔

ان کے بعد ’بازیگر‘ اور ’ڈر‘ جیسی فلموں میں منفی کرداروں سے شہرت حاصل کی۔ پھر ’دل والے دلہنیا لے جائیں گے‘ جیسی فلم نے انہیں ’کنگ آف رومانس‘ بنا دیا۔ گزشتہ کچھ برسوں میں انہوں نے ایکشن فلموں کی طرف رخ کیا اور ’پٹھان‘ اور ’جوان‘ جیسی فلمیں کیں، جو باکس آفس پر زبردست ہٹ ثابت ہوئیں۔