ہندوستانی خاتون کرکٹ ٹیم نے انگلینڈ میں تاریخ رقم کی، ٹی-20 سیریز پر کیا قبضہ

مانچسٹر کے اولڈ ٹریفورڈ میدان پر کھیلے گئے اس میچ میں انگلینڈ کی کپتان ٹمی بیومونٹ نے ٹاس جیت کر پہلے بلے بازی کا فیصلہ کیا، جو ان کی ٹیم پر بھاری پڑا۔ میزبان ٹیم نے محض 21 کے اسکور پر پہلا وکٹ گنوایا اور پھر وقفے وقفے سے وکٹیں گرتی رہیں۔ مقررہ 20 اوورز میں انگلینڈ سات وکٹوں کے نقصان پر صرف 126 رنز ہی بنا سکی۔

انگلینڈ کی جانب سے صوفیہ ڈنکلے نے 22 اور کپتان بیومونٹ نے 20 رنز بنائے۔ ہندوستان کے لیے رادھا یادو اور سری چرنی نے دو دو وکٹیں حاصل کیں، جبکہ دیپتی شرما اور امن جوت کور کو ایک ایک کامیابی ملی۔