دہلی-یوپی سمیت کئی ریاستوں میں شدید بارش کے آثار، ہماچل میں تباہی کے بعد راحت و بچاؤ کام تیزی سے جاری

محکمہ موسمیات کے مطابق آج (5 جون) دہلی، ہریانہ سمیت پنجاب، اتر پردیش، مدھیہ پردیش، راجستھان، بہار اور جھارکھنڈ وغیرہ ریاستوں میں شدید بارش ہو سکتی ہے۔ محکمہ موسمیات کی پیشن گوئی ہے کہ ہفتہ کو دن بھر بادل چھائے رہیں گے۔ بادل گرجنے، بجلی چمکنے اور ہلکی سے درمیانی سطح کی بارش ہونے کے بھی آثار ہیں۔

دوسری طرف ہماچل پردیش میں شدید بارش اور بادل پھٹنے سے زبردست تباہی مچی ہے۔ یہاں حالات کافی خراب ہو چکے ہیں جسے پٹری پر لانے کا کام جاری ہے۔ ریاست کے سیلاب سے متاثر منڈی ضلع کے مختلف علاقوں میں راحت اور بچاؤ کاموں میں تیزی آئی ہے۔ این ڈی آر ایف، ایس ڈی آر ایف کے بعد فوج کے جوانوں نے بھی مورچہ سنبھال لیا ہے۔