دہلی میں پرانی گاڑیوں کو ایندھن کی فراہمی پر پابندی، پٹرول پمپ مالکان نے کھٹکھٹایا عدالت کا دروازہ

تاہم، اس قانون کے خلاف دہلی پٹرول ڈیلرز ایسوسی ایشن نے دہلی ہائی کورٹ میں عرضی دائر کر دی ہے، جس پر عدالت نے دہلی حکومت اور کمیشن فار ایئر کوالٹی مینجمنٹ (سی اے کیو ایم) سے جواب طلب کیا ہے۔ کیس کی سماعت 8 ستمبر کو مقرر ہے۔

ایسوسی ایشن کے وکیل آنند ورما نے خبر رساں ایجنسی آئی اے این ایس کو بتایا کہ پٹرول پمپ مالکان دہلی میں آلودگی پر قابو پانے کی کوششوں کی حمایت کرتے ہیں لیکن ان کے خلاف دفعہ 192 کے تحت کارروائی کو غیر منصفانہ قرار دیتے ہیں۔ ان کا کہنا ہے کہ یہ دفعہ عام طور پر بغیر رجسٹریشن گاڑی چلانے والوں پر لاگو ہوتی ہے، نہ کہ پٹرول فراہم کرنے والوں پر۔