دہلی ہائی کورٹ سے دو ملزمان کو ضمانت، سوشل میڈیا اور میڈیا سے دور رہنے کی ہدایت

جسٹس سبرمنیم پرساد اور جسٹس ہریش ویدیہ ناتھن شنکر کی بنچ نے نیلم آزاد اور مہیش کماوت کو 50,000 روپے کے ذاتی مچلکے اور اتنی ہی رقم کی دو ضمانتوں پر رہا کرنے کا حکم دیا۔ عدالت نے ان دونوں کو یہ سخت ہدایت بھی دی ہے کہ وہ اس واقعے سے متعلق کسی بھی میڈیا ادارے کو انٹرویو نہ دیں اور نہ ہی سوشل میڈیا پر کوئی پوسٹ کریں۔

یہ ضمانت اس وقت دی گئی جب دونوں ملزمان نے ایک نچلی عدالت کے اس فیصلے کو چیلنج کیا، جس نے ان کی ضمانت کی درخواست کو مسترد کر دیا تھا۔ دونوں ملزمان نے دلیل دی کہ وہ اب تک کافی عرصہ جیل میں گزار چکے ہیں اور ان کے خلاف براہ راست کوئی پرتشدد کارروائی کا ثبوت نہیں ہے۔