ایل پی جی سلنڈر کی قیمتوں میں کمی، گھریلو صارفین کو کوئی ریلیف نہیں

انڈین آئل کی ویب سائٹ کے مطابق، دہلی میں یہ سلنڈر 1723.50 روپے سے کم ہو کر 1665 روپے کا ہو گیا ہے، یعنی 58.50 روپے کی کمی کی گئی ہے۔ اسی طرح کولکاتا میں قیمت 1826 روپے سے گھٹ کر 1769 روپے، ممبئی میں 1674.50 روپے سے گھٹ کر 1616.50 روپے اور چنئی میں 1881 روپے سے کم ہو کر 1823.50 روپے ہو گئی ہے۔

یہ کمی خاص طور پر ہوٹل، ریسٹورنٹ، کیٹرنگ سروسز اور دیگر تجارتی اداروں کے لیے فائدہ مند ہے، جو بڑے پیمانے پر 19 کلو کے کمرشل سلنڈر استعمال کرتے ہیں۔ تیل کمپنیاں ہر ماہ کی پہلی تاریخ کو قیمتوں پر نظر ثانی کرتی ہیں اور بین الاقوامی منڈی میں خام تیل کی قیمت، روپے کی قدر اور دیگر اقتصادی عوامل کی بنیاد پر نئی قیمتیں طے کی جاتی ہیں۔