عالمی غیر یقینی صورتحال کے باوجود ہندوستانی معیشت مستحکم: آر بی آئی

نئی دہلی: ریزرو بینک آف انڈیا (آر بی آئی) کے حالیہ اقتصادی بلیٹن کے مطابق مئی 2025 میں عالمی سطح پر جاری غیر یقینی صورتحال کے باوجود ہندوستان کی معیشت مضبوطی کے ساتھ آگے بڑھ رہی ہے۔ رپورٹ میں کہا گیا ہے کہ مختلف ہائی فریکوئنسی اشاریوں نے صنعتی اور خدماتی شعبوں میں سرگرمیوں کے اضافے کے اشارے دیے ہیں۔

زرعی سیزن 2024-25 میں اہم فصلوں کی پیداوار میں مجموعی طور پر اضافہ دیکھا گیا ہے۔ رپورٹ کے مطابق گھریلو قیمتیں معتدل رہی ہیں اور مسلسل چوتھے مہینے مہنگائی کی شرح آر بی آئی کے مقررہ ہدف سے کم رہی۔