جے پور میں 24 گھنٹے کا سوشل میڈیا شٹ ڈاؤن، تجاوزات کے خلاف مہم کے پیش نظر انتظامیہ نے اٹھایا احتیاطی قدم

اس موقع پر ضلع انتظامیہ نے عام شہریوں سے امن اور ہم آہنگی قائم رکھنے کی اپیل کی ہے۔ افسران نے کہا ہے کہ لوگ کسی بھی طرح کی افواہ پر دھیان نہ دیں اور صرف سرکاری اطلاعات پر ہی بھروسہ کریں۔ انتظامیہ نے یہ بھی واضح کیا ہے کہ احکامات کی خلاف ورزی کرنے والوں کے خلاف ضابطے کے مطابق کارروائی کی جائے گی۔ سیکورٹی ایجنسیوں اور پولیس فورس کو حساس علاقوں میں تعینات کیا گیا ہے تاکہ کسی بھی ناخوشگوار حالت میں فوری طور سے نپٹا جا سکے۔ شہر کی مجوزہ اس بڑی کارروائی کے حوالے سے انتظامیہ پوری طرح مستعد ہے اور نظم و نسق برقرار رکھنے کے لیے ہر ضروری قدم اٹھایا جا رہا ہے۔