این ٹی اے نے وزارت صحت کو ٹھہرایا ذمہ دار، سپریم کورٹ میں حلف نامہ داخل

اس ہمہ جہت ناکامی کے درمیان مرکزی حکومت 21 جون کو ہونے والے ری-ٹیسٹ کو ’فل پروف‘ بنانے کے لیے بھرپور کوششیں کر رہی ہے۔ سوالیہ پرچوں کی حفاظت کے لیے پہلی بار شہری انتظامیہ کے بجائے ہندوستانی فضائیہ (آئی اے ایف) کے طیاروں کے استعمال اور امتحانی مراکز پر نیم فوجی دستوں (سی آر پی ایف، سی آئی ایس ایف) کی تعیناتی جیسے غیر معمولی حفاظتی اقدامات پر غور کیا جا رہا ہے۔ سی بی آئی اب تک اس معاملے میں دہلی، جے پور اور ناسک سمیت کئی شہروں سے 13 ملزمین کو گرفتار کر چکی ہے۔ آج کورٹ روم نمبر-1 سے آنے والی ہر ہدایت اس بات کا تعین کرے گی کہ ملک میں امتحانات کی شفافیت باقی رہے گی یا پھر وینڈرز اور لیک مافیا کا راج قائم ہوگا۔