بھارتیہ جنتا پارٹی (بی جے پی) نے جمعرات کوایک تنظیمی رد و بدل کیا ، جس میں چار ریاستیں جن میں دہلی، پنجاب، تریپورہ اور ہریانہ شامل ہیں،ان میں اپنے نئے ریاستی صدور کے ناموں کا اعلان کیا۔پارٹی کے قومی صدر نتن نبین کی منظوری کے بعد پارٹی کے مرکزی دفتر کی جانب سے اس سلسلے میں باضابطہ فہرست جاری کی گئی۔
اس بڑے تنظیمی رد و بدل کے تحت مرکزی وزیر ہرش ملہوترا کو دہلی بی جے پی کا نیا ریاستی صدر مقرر کیا گیا ہے۔ پنجاب میں پارٹی کو نئی بنیاد فراہم کرنے کے مقصد سے سینئر رہنما کیول سنگھ ڈھلوں کو پنجاب بی جے پی کا نیا صدر بنایا گیا ہے۔
ہریانہ میں تنظیمی تبدیلی کرتے ہوئے ارچنا گپتا کو ریاستی بی جے پی یونٹ کی صدارت کی ذمہ داری سونپی گئی ہے۔ جبکہ شمال مشرقی ریاست تریپورہ میں بھی قیادت تبدیل کرتے ہوئے ابھشیک دیب رائے کو تریپورہ بی جے پی کا نیا صدر مقرر کیا گیا ہے۔
بھارتیہ جنتا پارٹی (بی جے پی) نے مرکزی وزیر مملکت ہرش ملہوترا کو دہلی ریاستی بی جے پی کا صدر مقرر کیا ہے۔ بی جے پی کے قومی جنرل سکریٹری ارون سنگھ نے جمعرات کو ایک بیان جاری کرتے ہوئے کہا کہ پارٹی صدر نتن نبین نے ہرش ملہوترا کو دہلی بی جے پی کا نیاصدر مقرر کیا ہے۔ ان کی تقرری فوری طور پر نافذ العمل ہو گی۔ ہرش ملہوترا کو وریندر سچدیوا کی جگہ دہلی بی جے پی کا صدر مقرر کیا گیا ہے۔
