سادھویوں کی عصمت دری اور قتل کے مجرم رام رحیم کو 5 ماہ میں دوسری بار ملی پیرول، 30 دنوں کے لیے پھر جیل سے باہر

30 دن کی پیرول ملنے کے ساتھ ہی ڈیرہ سچا سودا کے سربراہ نے 2026 کے لیے اپنے 10 ہفتے کے پیرول کے وقت کو پورا کر لیا ہے۔ یہ ہریانہ گڈ کنڈکٹ پریزنرز (ٹیمپریری ریلیز) ایکٹ، 2022 کے تحت ضروری ہے۔ اس سے پہلے جنوری میں اسے 40 دن کی پیرول دی گئی تھی۔ یہ قانون کسی بھی قیدی کو جنوری سے دسمبر میں مجموعی طور پر 10 ہفتے کی پیرول کا حق دیتا ہے جسے 2 حصوں میں لیا جا سکتا ہے۔ یہ قانون 3 ہفتے کی ’فرلو‘ (عارضی رہائی) کی بھی اجازت دیتا ہے۔ اس رہائی کو کئی حصوں میں نہیں لیا جا سکتا۔ حالانکہ ڈیرہ سربراہ اس سال 3 ہفتے کی فرلو لے سکتا ہے۔