چین سے تجارتی جنگ میں امریکہ نے مانی ہار؟…دیکھیں سوربھ شاہی کا تجزیہ

نیشنل ہیرالڈ، نوجیون اور قومی آواز کے خصوصی پروگرام ’دنیا مرے آگے‘ کی تازہ قسط میں چین اور امریکہ کے درمیان جاری تجارتی کشیدگی، معاشی مقابلہ اور عالمی تجارت پر اس کے اثرات کا تفصیلی جائزہ پیش کیا گیا۔ اس قسط میں سوربھ شاہی نے بتایا کہ کس طرح چین اور امریکہ کے درمیان برسوں سے جاری تجارتی تنازعہ نے عالمی معیشت، سپلائی نظام اور معاشی حکمت عملیوں کو متاثر کیا ہے۔

پروگرام میں اس پہلو پر بھی گفتگو کی گئی کہ چین نے طویل مدتی معاشی منصوبہ بندی کے ذریعے کس طرح اپنی پوزیشن مضبوط کی اور کیوں کئی ماہرین موجودہ حالات کو عالمی معاشی توازن میں بڑی تبدیلی کے طور پر دیکھ رہے ہیں۔ تجزیہ میں محصولات، معاشی دباؤ، اہم معدنی وسائل، جدید صنعتوں کے لیے ضروری پرزہ جات اور عالمی منڈیوں میں طاقت کے بدلتے اثرات کو بھی موضوع بنایا گیا۔

سوربھ شاہی نے یہ سمجھانے کی کوشش کی کہ چین اور امریکہ کے درمیان معاشی مقابلہ صرف تجارت تک محدود نہیں بلکہ اس کے اثرات عالمی سیاست، صنعت، سرمایہ کاری اور آنے والے برسوں کی معاشی سمت پر بھی پڑ سکتے ہیں۔