آر سی بی نے کوہلی کی سنچری کی بدولت کے کے آر کو ہرایا، بنی  ٹیبل ٹاپر

کل یعنی 13 مئی کو انڈین پریمیئر لیگ2026 میں، رائل چیلنجرز بنگلور(آر سی بی)اور کولکتہ نائٹ رائیڈرز (کے کے آر) کے درمیان رائے پور کے شہید ویر نارائن سنگھ انٹرنیشنل اسٹیڈیم میں ایک سنسنی خیز مقابلہ ہوا۔ کولکتہ نے پہلے بیٹنگ کرتے ہوئے 192/4 رنز بنائے۔ جواب میں آر سی بی نے پانچ گیندیں باقی رہ کر چھ وکٹوں سے میچ جیت لیا۔

ویراٹ کوہلی نے آر سی بی کے لیے شاندار اننگز کھیلی۔ کوہلی نے 60 گیندوں پر ناٹ آؤٹ 105 رنز بنائے جس میں 11 چوکے اور تین چھکے شامل تھے۔ یہ کوہلی کی آئی پی ایل کیرئیر کی نویں سنچری تھی۔ اس جیت کے ساتھ ہی آر سی بی نے گجرات ٹائٹنز کو پیچھے چھوڑ کر پوائنٹس ٹیبل میں پہلا مقام حاصل کرلیا۔ آر سی بی اور گجرات دونوں کے 16 پوائنٹس ہیں، لیکن آر سی بی کا نیٹ رن ریٹ بہتر ہے۔ جہاں آر سی بی پلے آف میں پہنچنے کے قریب ہے، اس شکست نے کے کے آر کا راستہ مشکل بنا دیا ہے۔ رائل چیلنجرز بنگلور کے کپتان رجت پاٹیدار نے ٹاس جیت کر پہلے گیند بازی کا فیصلہ کیا۔

193 کے تعاقب میں آر سی بی کو پہلا جھٹکا جیکب بیتھل کی صورت میں لگا، جو 15 رنز بنا کر کارتک تیاگی کے ہاتھوں کیچ اینڈ بولڈ ہوگئے۔ تاہم، ویراٹ کوہلی اور دیو دت پڈیکل نے پھر سنبھل کر اپنی پاری کھیلی ، حالانکہ دیودت کارتک کے ہاتھوں 39 رنز بنا کر آؤٹ ہوئے۔ دونوں نے 92 رنز کی شراکت داری کی۔ رجت پاٹیدار، جو اس کے بعد  آئے، سنیل نارائن کے ہاتھوں کیچ ہوئے۔ جب آر سی بی جیت کے دہانے پر تھا، منیش پانڈے نے ٹم ڈیوڈ کو آؤٹ کرنے کے لیے ایک شاندار کیچ لیا۔ یہ وکٹ کارتک تیاگی نے حاصل کی۔

کولکتہ کی اننگز کا آغاز ناقص رہا، فن ایلن کو بھونیشور کمار (18) کی سوئنگ پر جیتیش شرما نے اسٹمپ کے پیچھے کیچ دیا۔ کچھ ہی دیر بعد اجنکیا رہانے (19) کو جوش ہیزل ووڈ نے کیچ کرایا۔ انگکرش راگھوونشی اور کیمرون گرین نے پھر محتاط انداز میں کھیلتے ہوئے 68 رنز کی شراکت قائم کی۔ تاہم، کیمرون گرین 32 کے سکور پر راشیخ سلام ڈار کے ہاتھوں بولڈ ہو گئے۔ آخر میں، رنکو سنگھ (49 ناٹ آؤٹ) نے انگکرش (71) کے ساتھ شاندار شراکت داری کی۔