وقت سے پہلے آسکتا ہے مانسون، 25 اور 27 مئی کے درمیان کیرالہ پہنچنے کی توقع، 5 ریاستوں میں تیز آندھی اور بارش کا الرٹ

ہندوستان میں مانسون کی نوعیت تیزی سے بدلتی دکھائی دے رہی ہے۔ بعض اوقات بارشیں مقررہ وقت سے تاخیر سے آتی ہیں، جب کہ بسا اوقات چند گھنٹوں میں اتنی زیادہ بارش ہو رہی ہے کہ سیلاب جیسی صورتحال پیدا ہوجاتی ہے۔ سائنسدانوں اور ماہرین موسمیات کا کہنا ہے کہ موسمیاتی تبدیلی، سمندری درجہ حرارت میں اتار چڑھاؤ اور عالمی موسمی واقعات کے سبب مانسون کا روایتی چکر غیر مستحکم ہوتا جارہا ہے۔ اس کا اثر زراعت، پانی کے انتظام، بجلی کی پیداوار اور شہروں کے نظام پر صاف دکھائی نظر آنے لگا ہے۔ اپنی تازہ ترین پیشین گوئی میں ہندوستان کے محکمہ موسمیات نے کہا ہے کہ جنوب مغربی مانسون ہفتے کے آخر تک جنوبی خلیج بنگال، بحیرہ انڈمان اور جزائر انڈمان اور نکوبار کے کچھ حصوں تک پہنچ سکتا ہے۔ تاہم سائنس دانوں کا خیال ہے کہ طویل مدت میں مون سون کا وقت اور شدت دونوں ہی مزید غیر یقینی ہوتے جا رہے ہیں۔