صدر جمہوریہ سے اکیلے ملیں گے وزیراعلیٰ بھگونت مان، پنجاب کے ممبران اسمبلی کو ریل بھون کے قریب روکا گیا

وزیر اعلیٰ بھگونت مان سے پہلے عام آدمی پارٹی چھوڑنے والے اور اب بی جے پی کے لیڈر و راجیہ سبھا رکن راگھو چڈھا سمیت 4 ممبران پارلیمنٹ نے بھی آج صبح صدر سے ملاقات کی تھی۔ اس ملاقات کے بعد بی جے پی لیڈر راگھو چڈھا نے کہا کہ میں عام آدمی پارٹی کو بتانا چاہتا ہوں کہ وہ پنجاب پولیس کا سہارا لے کر جو کارروائی کر رہے ہیں، یہ بہت خطرناک کھیل ہے۔ ہم جب تک عام آدمی پارٹی کے ساتھ تھے تب تک ٹھیک تھے اور اب جب الگ ہو گئے ہیں تو ہم بدعنوان ہو گئے ہیں؟ پنجاب حکومت کی ایجنسیوں اور پیسوں کا غلط استعمال کیا جا رہا ہے۔ عام آدمی پارٹی بدعنوان لوگوں کے ہاتھوں میں ہے، اس کے پاس ایک ریاست کی حکومت اور پولیس ہے۔ بی جے پی کے پاس 21 ریاستوں میں حکومت ہے اور 21 ریاستوں کی پولیس ہے۔ انہوں نے کہا کہ عام آدمی پارٹی کی پنجاب حکومت چند ماہ کی سرکار ہے۔