موسم کا مزاج پھر تبدیل! کئی ریاستوں میں آندھی اور بارش کے ساتھ پہاڑی علاقوں میں ہوگی برفباری، دہلی کے لیے یلو الرٹ جاری

مدھیہ پردیش، چھتیس گڑھ اور ودربھ میں 3 اور 6 مئی کے درمیان موسم متغیر رہے گا، گرج چمک کے ساتھ بارش ہوسکتی ہے۔ جنوبی ہندوستان کے کیرالہ کے کئی اضلاع میں شدید بارش کے بعد ایرناکولم، ترشور، اڈوکی اور ملاپورم کے لیے اورنج الرٹ جاری کیا ہے۔ یہاں 50 کلومیٹر فی گھنٹہ کی رفتار سے تیز ہوائیں چلنے اور آسمانی بجلی گرنے کا امکان ہے۔ دریں اثنا اوڈیشہ میں بارش سے لوگوں کو گرمی سے راحت ملی ہے حالانکہ طوفان نے کچھ علاقوں میں فصلوں اور کچے مکانوں کو نقصان پہنچایا۔