اب بہار کی حکومت گجرات سے چلے گی: تیجسوی یادو

بہار اسمبلی میں قائد حزب اختلاف اور راشٹریہ جنتا دل کے رہنما تیجسوی یادو نے ریاست کی موجودہ سیاسی صورتحال پر سخت ردعمل ظاہر کرتے ہوئے دعویٰ کیا ہے کہ بہار کی حکومت کا اختیار اب ریاست کے باہر منتقل ہو رہا ہے۔ انہوں نے طنزیہ انداز میں کہا کہ اب بہار کی حکومت گجرات سے چلے گی، جس سے جمہوری ڈھانچے پر کئی سوالات کھڑے ہوتے ہیں۔

پٹنہ ہوائی اڈے پر صحافیوں سے گفتگو کرتے ہوئے تیجسوی یادو نے کہا کہ ریاست میں جو تبدیلیاں ہو رہی ہیں، وہ عوامی مینڈیٹ کے برخلاف ہیں۔ انہوں نے کہا کہ پہلے بہار میں ایک منتخب وزیر اعلیٰ تھا، لیکن اب ایک “چناؤ کیا گیا” وزیر اعلیٰ سامنے آیا ہے، جس سے یہ تاثر ملتا ہے کہ اصل اختیار کہیں اور موجود ہے۔