’مودی حکومت سیاسی فائدے کے لیے طلب کر رہی پارلیمانی اجلاس‘، سی ڈبلیو سی میٹنگ میں کانگریس صدر کھڑگے کا تبصرہ

حد بندی معاملہ پر کانگریس صدر نے اپنی شدید تشویش کا اظہار کیا۔ انہوں نے کہا کہ ’’23 ستمبر 2023 کو آئینی ترمیمی بل پر تقریر کرتے ہوئے میں نے ایوان میں اسے فوری نافذ کرنے کا مطالبہ کیا تھا، لیکن حکومت نے طے کیا کہ اسے حد بندی (ڈیلیمیٹیشن) اور مردم شماری کے بعد ہی نافذ کیا جائے گا۔ آج ہم نے سی ڈبلیو سی کی میٹنگ اس لیے بلائی ہے تاکہ پارلیمنٹ میں پیش ہونے والی مجوزہ ترامیم پر آپ سب کی رائے لے کر ایک مضبوط حکمت عملی تیار کی جا سکے۔‘‘ انہوں نے یہ بھی کہا کہ ’’مجوزہ ترامیم ہمارے انتخابی نظام پر سنگین اثر ڈال سکتی ہیں، اس لیے اس میٹنگ کے بعد ہم اپوزیشن کے ساتھیوں کے ساتھ بھی اس پر بات چیت کریں گے اور مشترکہ حکمت عملی بنائیں گے۔ ہم متحد ہو کر آگے بڑھیں گے۔‘‘