کیرلم میں بے روزگاری، تعلیمی زوال اور منشیات کا بحران سنگین شکل اختیار کر چکا ہے: کانگریس

منشیات کے بڑھتے ہوئے مسئلہ پر بات کرتے ہوئے سپریا شرینیت نے کہا کہ صرف 2024 میں 27,724 منشیات سے متعلق کیسز درج کیے گئے، جبکہ 2020 سے 2024 کے درمیان تقریباً 87,000 کیسز سامنے آئے۔ انہوں نے الزام عائد کیا کہ ایل ڈی ایف کے بعض اراکین اسمبلی کے اہل خانہ بھی منشیات کی اسمگلنگ کے معاملات میں گرفتار ہو چکے ہیں، جن میں کوڈیری بالاکرشنن کے بیٹے کی کرناٹک میں گرفتاری اور کایم کولم کے ایک رکن اسمبلی کے بیٹے کی گرفتاری شامل ہے۔