بہار کے نوادہ میں رام نومی جلوس کے دوران تشدد، آگ زنی اور پتھراؤ میں کئی لوگ زخمی، علاقے میں کشیدگی برقرار

اس سلسلے میں پولیس اورانتظامیہ قریبی رہائشیوں سے پوچھ گچھ کر رہی ہے اور واقعے میں ملوث سماج دشمن عناصر کی شناخت کے لیے سی سی ٹی وی فوٹیج اور دیگر دستیاب ویڈیو شواہد کی جانچ کر رہی ہے۔ انتظامیہ نے واضح کیا ہے کہ شرپسندوں کو کسی صورت بخشا نہیں جائے گا اور ان کے خلاف سخت کارروائی کی جائے گی۔ فی الحال علاقے میں حالات معمول پر بتائے جا رہے ہیں تاہم احتیاط کے طور پر جائے وقوعہ پر اضافی پولیس فورس تعینات کر دی گئی ہے۔ انتظامیہ عوام سے امن برقرار رکھنے اور افواہوں پر توجہ نہ دینے کی اپیل کر رہی ہے۔