آذربائیجان سرحد پر پھنسے کشمیری طلبہ، اہل خانہ کی مرکز سے فوری مدد کی اپیل

اطلاعات کے مطابق یہ طلبہ ایران کے مختلف تعلیمی اداروں، خصوصاً اصفہان اور گلستان صوبوں میں زیرِ تعلیم تھے۔ موجودہ کشیدہ حالات کے پیش نظر طلبہ نے وطن واپسی کی کوششیں شروع کیں اور ایران-آرمینیا سرحد عبور کر لی، جو واپسی کے سفر میں ایک اہم مرحلہ تھا۔ تاہم اس کے بعد آذربائیجان کی سرحد پر انہیں شدید مشکلات کا سامنا کرنا پڑ رہا ہے۔

اہل خانہ نے شکایت کی ہے کہ طلبہ کو اپنے سفر کے تمام اخراجات خود برداشت کرنے پڑ رہے ہیں، جس سے پہلے ہی پریشان خاندانوں پر اضافی بوجھ پڑ رہا ہے۔ ایک والدین نے بتایا کہ موجودہ حالات میں حکومت کو کم از کم واپسی کے انتظامات خود کرنے چاہئیں تاکہ طلبہ مزید مشکلات سے بچ سکیں۔