ایران جنگ کے دوران ٹرمپ کو بڑا نقصان، امریکہ کا ایندھن بردار طیارہ عراق میں گر کر تباہ

امریکی فوجی حکام کے مطابق یہ طیارہ ایک فوجی مشن کے تحت پرواز کر رہا تھا اور اس میں پانچ افراد پر مشتمل عملہ سوار تھا۔ سینٹرل کمانڈ کے بیان کے مطابق اس آپریشن میں مجموعی طور پر دو طیارے شامل تھے۔ ان میں سے ایک طیارہ محفوظ طریقے سے لینڈ کرنے میں کامیاب رہا جبکہ دوسرا کے سی 135 طیارہ عراق کے مغربی فضائی علاقے میں حادثے کا شکار ہو کر تباہ ہو گیا۔

حکام کا کہنا ہے کہ حادثے کے فوری بعد ریسکیو ٹیموں کو متحرک کر دیا گیا اور طیارے کے عملے کے ارکان کی تلاش کے لیے سرچ آپریشن جاری ہے۔ ابتدائی معلومات کے مطابق ابھی تک یہ واضح نہیں ہو سکا کہ حادثہ کس وجہ سے پیش آیا۔