ہند-امریکہ معاہدہ پر راہل گاندھی کا سخت حملہ- ’امریکیوں کو خوش کرنے کے لیے ہمارے کسانوں کی قربانی کیوں دی گئی؟‘

راہل گاندھی نے امریکہ میں اڈانی سے متعلق مقدمات اور ایپسٹین معاملے کا حوالہ دیتے ہوئے دعویٰ کیا کہ کچھ فائلیں منظر عام پر نہیں لائی گئیں، جن میں اہم نام شامل ہو سکتے ہیں۔ انہوں نے کہا کہ وزیر اعظم مختلف قسم کے بیرونی اور داخلی دباؤ کا سامنا کر رہے ہیں، ایک جانب امریکہ کا دباؤ ہے تو دوسری طرف چین سرحد پر کشیدگی موجود ہے اور انہی حالات میں یہ معاہدہ طے پایا۔

کانگریس کا کہنا ہے کہ اس تجارتی معاہدے سے کسانوں، ٹیکسٹائل صنعت اور مجموعی معیشت کو نقصان پہنچ سکتا ہے اور قومی مفاد پر کوئی سمجھوتہ نہیں ہونا چاہیے۔