نئے مغربی سلسلے کا اثر، پہاڑوں میں برفباری اور میدانی علاقوں میں درجۂ حرارت میں اضافہ متوقع

ملک بھر کے موسم میں ایک بار پھر تبدیلی کے آثار نمایاں ہو رہے ہیں۔ محکمہ موسمیات کے مطابق ایک نیا مغربی سلسلہ 16 فروری کو ہمالیائی علاقوں تک پہنچ سکتا ہے، جس کے نتیجے میں شمالی ہندوستان کے پہاڑی خطوں میں بادل چھانے اور کہیں کہیں بارش یا برفباری ہونے کا امکان ہے۔

محکمہ موسمیات ہند کے مطابق 17 سے 19 فروری کے دوران مغربی ہمالیائی خطے میں موسمی سرگرمیاں تیز ہو سکتی ہیں۔ جموں و کشمیر، لداخ، گلگت بلتستان اور مظفرآباد میں چند مقامات پر بارش یا برفباری متوقع ہے۔ ہماچل پردیش اور اتراکھنڈ میں بھی 17 اور 18 فروری کو ہلکی بارش یا برف گرنے کی پیش گوئی کی گئی ہے۔