’اسلام پارٹی‘ کی نسرین بانو شیخ مالیگاؤں کی میئر منتخب، شیوسینا امیدوار کو 25 ووٹوں کے فرق سے دی شکست

مالیگاؤں میں میئر عہدہ کے لیے مجموعی طور پر 3 امیدوار میدان میں تھے اور 5 لوگوں نے پرچۂ نامزدگی داخل کیا تھا۔ آخر میں مقابلہ نسرین بانو شیخ اور لتا گھوڈکے کے درمیان ہی رہا۔ نتیجہ سامنے آنے کے بعد میونسپل کارپوریشن ہال میں سیکولر فرنٹ کے نگر سیوکوں اور حامیوں نے زوردار جشن منایا۔ ڈھول نگاڑوں، نعروں اور تالیوں کے ساتھ نسرین بانو شیخ کی جیت کا سبھی نے استقبال کیا۔