ادب نامہ میں مرزا اسد اللہ خاں غالبؔ کی زندگی اور شاعری پر گفتگو

گفتگو کے دوران غالب کی اخلاقی اور فکری جرات کو خاص طور پر موضوع بنایا گیا۔ معین شاداب نے کہا کہ غالب اپنی کمزوریوں اور لغزشوں کو چھپانے کے بجائے انہیں قبول کرنے کا حوصلہ رکھتے تھے، جو ان کے تخلیقی وقار کا اہم پہلو ہے۔ قسط میں غالب کی ذاتی زندگی کی مالی مشکلات، تہذیبی زوال کے پس منظر اور ان کے لاابالی مزاج کا بھی ذکر کیا گیا، جس نے ان کی شاعری کو ایک منفرد داخلی کشمکش عطا کی۔

نشست کے اختتام پر غالب کے منتخب اشعار پڑھ کر سنائے گئے، جن میں سے کئی اشعار زمانے کے ساتھ ضرب المثل کا درجہ اختیار کر چکے ہیں۔