مدھیہ پردیش میں کف سیرپ نے لی ایک اور جان، بیتول میں 4 سالہ معصوم کی علاج کے دوران موت

اس معاملے میں بیتول کے چیف میڈیکل اینڈ ہیلتھ آفیسر ڈاکٹر منوج ہرماڑے نے بچے کی موت کی تصدیق کی ہے۔ انہوں نے بتایا کہ پیر کو ناگپور میں پوسٹ مارٹم کرواکر لاش اہل خانہ کو سونپ دی گئی ہے۔ اس موت کے بعد ایک بار پھر کولڈریف کف سیرپ اسکینڈل پر سوالات کھڑے ہوگئے ہیں۔ لوگوں کا کہنا ہے کہ اگر بروقت سخت کارروائی اور بہتر نگرانی کی جاتی تو شاید یہ معصوم بچہ آج زندہ ہوتا۔ معاملے میں پہلے سے جاری تحقیقات پر بھی اب نظریں مرکوز ہوگئی ہیں۔ فی الحال انتظامیہ پوسٹ مارٹم رپورٹ کا انتظار کر رہی ہے اور لواحقین کو ہر ممکن مدد کی یقین دہانی کرائی گئی ہے۔