منریگا میں تبدیلی کے خلاف کانگریس کا احتجاج، منصوبہ ختم کرنے کی سازش کا الزام

پارٹی نے سوشل میڈیا پر جاری بیان میں کہا کہ منریگا نے دیہی علاقوں میں روزگار کی ضمانت دے کر غریبوں کو معاشی طور پر مضبوط بنایا، مگر اب اس بنیاد کو ہی ہلایا جا رہا ہے۔

پارٹی قیادت کا کہنا ہے کہ نریندر مودی غریبوں کو روزگار کا قانونی حق دینے والی اس تاریخی اسکیم کو مٹانا چاہتے ہیں اور کانگریس ایسا کبھی نہیں ہونے دے گی۔ پارٹی نے اعلان کیا کہ وہ منریگا کے تحفظ کے لیے سڑک سے لے کر پارلیمان تک اپنی آواز بلند کرتی رہے گی۔