ماحولیاتی فنڈ کے 55 فیصد کا عدم استعمال، بی جے پی کی ریکھا گپتا حکومت کی آلودگی کے تئیں بے حسی ظاہر: دیویندر یادو

کانگریس صدر نے وزیر اعلیٰ ریکھا گپتا کے اس بیان پر بھی سوال اٹھایا کہ آلودگی قدرتی طور پر ہوتی ہے اور حکومت اس میں کیا کر سکتی ہے۔ انہوں نے کہا کہ جب موجودہ فنڈ بھی حکومت خرچ نہیں کر پا رہی تو آلودگی کے تئیں اس کی نیت صاف ظاہر ہو جاتی ہے۔

انہوں نے کہا کہ فضائی معیار نظم و نسق کمیشن نے سپریم کورٹ سے سفارش کی ہے کہ ماحولیاتی معاوضہ چارج اور بلدیاتی ٹول ٹیکس کی شرحوں پر نظر ثانی کی جائے، کیونکہ کئی تجارتی گاڑیاں کم فاصلہ اور ایندھن کی بچت کے لیے دہلی سے گزر کر دوسرے ریاستوں میں جانا پسند کرتی ہیں، جبکہ مشرقی اور مغربی پریفیرل ایکسپریس وے پر زیادہ ٹول دینا پڑتا ہے۔ اس وجہ سے ٹول اور معاوضہ چارج کی شرحوں کا ازسر نو تعین ضروری ہے، تاکہ دہلی کو زیادہ فنڈ حاصل ہو اور اسے آلودگی کی روک تھام پر خرچ کیا جا سکے۔