کوڈین ملے کف سیرپ کا معاملہ، کلیدی ملزم شبھم جیسوال کا خالہ زاد بھائی گرفتار

آدتیہ جیسوال نے یہ بھی بتایا کہ اس کا کام انڈین بینک کی پیلی کوٹھی شاخ میں نقد رقم جمع کرانا تھا۔ اس نے اعتراف کیا کہ شبھم جیسوال اسے رقم دیتا تھا، جسے وہ بینک میں جمع کرا دیتا تھا۔ پولیس کے مطابق ایک سلپ پر نام اور موبائل نمبر درج ہو جانے کی وجہ سے ہی ملزم کی شناخت ہوئی اور وہ قانون کے شکنجے میں آ گیا۔ پولیس اب اس نیٹ ورک سے جڑے دیگر افراد کی تلاش اور پورے مالی لین دین کی چھان بین میں مصروف ہے۔